صفي قلبك لي حبيبك

صفي قلبك

صفي قلبك لي حبيبك
واحيا قربو في سعادة

وازرع الهنا في طريقو
وخلي حبك في ذيادة

نقدس الحب في قلوبنا
ويبقى حب الناس عبادة

نبعد الشقا من دروبنا
ونجعل الحب في الريادة

نغرس الوفا في حقولنا
ارضو طيبة وفيها ذادة

يوما تتجمع حروفنا
وننسج الكلمات سحابة

تنزل امطار المحبة
وتغسل احزان الكابة

فيها تخضر الاراضي
ونتنسم المنا في رحابة

نتفيا الريد في ظلاله
ما المحبة اشجارة غابة

نحيا ديمة في محنة
ونبني بالريد بيتنا جنة

ونسدل الحان الربابة
ما بنجافي وما بخون

ونكتم احزان الشجون
ونبعد الشقا والكابة

صفي قلبك لي حبيبك
واحيا قربو في سعادة

وازرع الهنا في طريقو
وخلي حبك في ذيادة

اليقين

بفتش ليك ما بقنع
وعارف اني يوم بلقاك

واتامل ملامح الناس
واتحسس جمال محياك

وارسم ليك في خطري
لوحة ريد تقول اهواك

واصدق ديمة في صبري
وامني النفس بي لقيلك

بعيش امالي اترقب
واقول باكر اكيد بلقاك

ومهما ضلم ايامي
صباحي الباهي يوم رؤياك

بتشرق بيك شموس عمري
واعيش الريدة في دنياك

بشوفك انتا في كل شي
واتنسم عبير ذكراك

بحبك انتا صدقني
ولحظة حقيقة ما بنساك

وبوفي وبفضل اتصبر
وبرهة صغيرة ما بجفاك

واثق اني يوم وراء يوم
بلقا خطايا سايقة خطاك

تهلل كل افراحي
وتسالم نغماتي رجع صداك

وتزهر ايامي وردات ريد
واسقيها بقطر نداك

وتتجمع ملامح الريد
تقول لهنايا نادي هناك

ولو يا غالي تتالم بتالم
ومن غير شك حياتي فداك

ومهما تطول دروب الريد
حالق وحافي بمشي معاك

ولو اقدارنا يوم حكمت
بتوجع واشيع قلبي لي مثواك

محال صدقني اتبدل
وادي قليبي يوم لي سواك

روحي بتحيا بي حبك
وتفنئ الدنيا بعد فناك

وبطفي معاك شموع عمري
ومصابيحا تفتش وتاني ما بتلقاك

» اقرب الناس الي قلبك
» أيهما أهـــم بحياااتك كرامتك أم قلبك؟
» اصعب كلمة علي قلبك؟؟؟؟
» قلبك متين يرسى
» مالذي يتحكم بك ... قلبك؟ ام ...عقلك؟؟؟؟